ಖ್ಯಾತ ನಿರ್ದೇಶಕ ನಾಗತಿಹಳ್ಳಿ ಚಂದ್ರಶೇಖರ್ ಅವರ ‘ಅಮೆರಿಕಾ ಅಮೆರಿಕಾ 2’ ಸಿನಿಮಾ ಅಧಿಕೃತ ಘೋಷಣೆ! ತಾರಾಗಣದಲ್ಲಿ ಯಾರಿದ್ದಾರೆ? ಹಳೇ ಕಥೆ ಏನಾಗಿತ್ತು? ಇಲ್ಲಿದೆ ಕಂಪ್ಲೀಟ್ ಡಿಟೇಲ್ಸ್! ಅಮೆರಿಕಾ ಅಮೆರಿಕಾ 2 ನಾಗತಿಹಳ್ಳಿ ಚಂದ್ರಶೇಖರ್

ಕನ್ನಡ ಚಿತ್ರರಂಗದ ಇತಿಹಾಸದಲ್ಲಿ ಕಲ್ಟ್ ಕ್ಲಾಸಿಕ್ ಸಿನಿಮಾ ಎಂದೇ ಹೆಸರುವಾಸಿಯಾದ, ಮಾಸ್ಟರ್ ಪೀಸ್ ‘ಅಮೆರಿಕಾ! ಅಮೆರಿಕಾ!!’ ಬಿಡುಗಡೆಯಾಗಿ ದಶಕಗಳೇ ಕಳೆದಿವೆ. “ನೂರುಜನ್ಮಕು ” ಹಾಡನ್ನು ಇಂದಿಗೂ ಕನ್ನಡಿಗರು ಮರೆತಿಲ್ಲ. ಈಗ ಇದೇ ಚಿತ್ರದ ಮುಂದುವರಿದ ಭಾಗವಾಗಿ ‘ಅಮೆರಿಕಾ ಅಮೆರಿಕಾ 2’ ಸಿನಿಮಾದ ಫಸ್ಟ್ ಲುಕ್ ಪೋಸ್ಟರ್ ಅಧಿಕೃತವಾಗಿ ಬಿಡುಗಡೆಯಾಗಿದ್ದು, ಸಿನಿರಸಿಕರಲ್ಲಿ ಭಾರಿ ಕುತೂಹಲ ಮೂಡಿಸಿದೆ. ಅಮೆರಿಕಾ ಅಮೆರಿಕಾ 2 ನಾಗತಿಹಳ್ಳಿ ಚಂದ್ರಶೇಖರ್

ಮೇಷ್ಟ್ರು ನಾಗತಿಹಳ್ಳಿ ಚಂದ್ರಶೇಖರ್ ಅವರ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಈ ಹೊಚ್ಚ ಹೊಸ ಚಿತ್ರದ ಪೋಸ್ಟರ್ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.

ಫೇಸ್‌ಬುಕ್‌ನಲ್ಲಿ ನಾಗತಿಹಳ್ಳಿ ಚಂದ್ರಶೇಖರ್ ಭಾವುಕ ಬರಹ:

ಸಿನಿಮಾ ಘೋಷಣೆ ಮಾಡುತ್ತಾ ನಿರ್ದೇಶಕ ನಾಗತಿಹಳ್ಳಿ ಚಂದ್ರಶೇಖರ್ ಅವರು ತಮ್ಮ ಫೇಸ್‌ಬುಕ್ ಪುಟದಲ್ಲಿ ಅತ್ಯಂತ ಮಾರ್ಮಿಕವಾಗಿ ಬರೆದುಕೊಂಡಿದ್ದಾರೆ:

“ಮಹಾಭารತದಲ್ಲಿ ಇಲ್ಲದಿರೋದು ಜಗತ್ತಲ್ಲಿ ಏನೂ ಇಲ್ಲ. ನಾವು ಸುಮ್ನೆ ಬೊಗಳೆ ಬಿಡ್ತೀವಿ. ನಮ್ದು ಹೊಸಾ ಕಥೆ, ನಾವು ಡಿಫರೆಂಟು ಅಂಥ. ಹಂಗೇನಿಲ್ಲ. ಎಲ್ಲ ಅದ್ಭುತ ಚಿಂತನೆಗಳೂ ಇಲ್ಲಿ ಸಂಭವಿಸಿಯಾಗಿದೆ. ಅದೆಲ್ಲಾ ಅತ್ಲಾಗಿಡಿ. ನನ್ಜೊತೆ ಕ್ರಿಯಾಶೀಲವಾಗಿರೋ ಕಿರಿಯರನೇಕರು ಮೊದಲ ಆವೃತ್ತಿ ‘ಅಮೆರಿಕಾ! ಅಮೆರಿಕಾ!!’ ಬಿಡುಗಡೆಯಾದಾಗ ಹುಟ್ಟೇ ಇರಲಿಲ್ಲ ಅನ್ನುವುದು ಈಗ ಸೋಜಿಗ. ನಾವು ಬೇಗ ಹುಟ್ಟಿದ್ದು ಸಾಧನೆಯೇನೂ ಅಲ್ಲ…”

ಎಂದು ಕಿರಿಯ ತಲೆಮಾರಿನ ಜೊತೆ ಕೆಲಸ ಮಾಡುತ್ತಿರುವುದಕ್ಕೆ ಸಂತಸ ವ್ಯಕ್ತಪಡಿಸಿದ್ದಾರೆ.

ಹೊಸ ಸಿನಿಮಾದ ತಾರಾಗಣದಲ್ಲಿ ಯಾರಿದ್ದಾರೆ?:

ಈ ಬಾರಿ ‘ಅಮೆರಿಕಾ ಅಮೆರಿಕಾ 2’ ಚಿತ್ರದಲ್ಲಿ ಹೊಸ ತಲೆಮಾರಿನ ಪ್ರತಿಭಾವಂತ ನಟರು ಮುಖ್ಯ ಭೂಮಿಕೆಯಲ್ಲಿದ್ದಾರೆ. ಪೋಸ್ಟರ್‌ನಲ್ಲಿ ಕಾಣಿಸಿರುವಂತೆ ಸ್ಯಾಂಡಲ್‌ವುಡ್‌ನ ಚಾಕೊಲೇಟ್ ಬಾಯ್ ನಿರೂಪ್ ಭಂಡಾರಿ, ಸುಂದರ ನಟಿ ಶಾನ್ವಿ ಶ್ರೀವಾಸ್ತವ ಮತ್ತು ಪ್ರತಿಭಾವಂತ ನಟ ಪೃಥ್ವಿ ಅಂಬಾರ್ ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಪೋಸ್ಟರ್ ಕೆಳಗೆ “ಹಳೇ ಕಥೆಗಳಲ್ಲೇ ಹೊಸ ಕಥೆಗಳು ಹುಟ್ಟೋದು…” ಎಂಬ ಸಖತ್ ಕ್ಯಾಪ್ಶನ್ ಕೂಡ ಕೊಡಲಾಗಿದೆ.

ಹಳೇ ‘ಅಮೆರಿಕಾ! ಅಮೆರಿಕಾ!!’ ಸಿನಿಮಾದ ನೈಜ ಕಥಾಹಂದರ ಏನಾಗಿತ್ತು?:

1995-96ರಲ್ಲಿ ಮೂಡಿಬಂದಿದ್ದ ಮೊದಲ ಭಾಗದಲ್ಲಿ ರಮೇಶ್ ಅರವಿಂದ್ (ಸೂರ್ಯ), ಅಕ್ಷಯ್ (ಶಶಾಂಕ್) ಮತ್ತು ಖ್ಯಾತ ನಟಿ ಹೇಮಾ ಪಂಚಮುಖಿ (ಭೂಮಿ) ಮುಖ್ಯ ಭೂಮಿಕೆಯಲ್ಲಿದ್ದರು. ಬಾಲ್ಯದ ಗೆಳೆಯರಾದ ಸೂರ್ಯ ಮತ್ತು ಶಶಾಂಕ್ ಇಬ್ಬರೂ ಭೂಮಿಯನ್ನು ಇಷ್ಟಪಟ್ಟಿರುತ್ತಾರೆ. ಸೂರ್ಯನದ್ದು ಭೂಮಿಯ ಮೇಲೆ ಒಂದು ತರಹದ ಏಕಪಕ್ಷೀಯ ಪ್ರೀತಿ (One-side love). ಆದರೆ ಅನಿವಾರ್ಯ ಕಾರಣಗಳಿಂದಾಗಿ ಶಶಾಂಕ್ ಮತ್ತು ಭೂಮಿ ನಡುವೆ ಆಕಸ್ಮಿಕವಾಗಿ ಮದುವೆ ನಡೆದು, ಅವರಿಬ್ಬರು ಅಮೆರಿಕಾಗೆ ತೆರಳುತ್ತಾರೆ.

ಅಮೆರಿಕಾಗೆ ಹೋದ ನಂತರ ಭೂಮಿಗೆ, ಸೂರ್ಯ ತನ್ನನ್ನು ಎಷ್ಟು ಗಾಢವಾಗಿ ಪ್ರೀತಿಸುತ್ತಿದ್ದ ಎಂಬ ಅಸಲಿ ಸತ್ಯ ಗೊತ್ತಾಗುತ್ತದೆ. ಇದರಿಂದಾಗಿ ಶಶಾಂಕ್ ಮತ್ತು ಭೂಮಿ ನಡುವೆ ಅಂತರ ಹೆಚ್ಚಾಗಿ, ಇಬ್ಬರೂ ದೂರಾಗುತ್ತಾರೆ. ಕಥೆಯ ಕ್ಲೈಮ್ಯಾಕ್ಸ್‌ನಲ್ಲಿ ಶಶಾಂಕ್ ಭೀಕರ ಕಾರ್ ಅಪಘಾತದಲ್ಲಿ ಸಾವನ್ನಪ್ಪುತ್ತಾನೆ. ಪತಿಯ ಸಾವಿನ ನಂತರವೂ ಭೂಮಿ ಸೂರ್ಯನನ್ನು ಮದುವೆಯಾಗುವುದಿಲ್ಲ. ಬದಲಾಗಿ ಸೂರ್ಯ ಮತ್ತು ಭೂಮಿ ಇಬ್ಬರೂ ಕೊನೆಯವರೆಗೂ ಶಾಶ್ವತವಾಗಿ ಕೇವಲ ಆತ್ಮೀಯ ಗೆಳೆಯರಾಗಿಯೇ ಉಳಿದು ಭಾರತಕ್ಕೆ ಮರಳಿ ಬರುತ್ತಾರೆ. ಈ ಚಿತ್ರದ ಮೂಲಕ “ಇರುವುದಲ್ಲವ ಬಿಟ್ಟು ಇರದುದರೆಡೆಗೆ ತುಡಿಯುವುದೇ ಜೀವನ” ಎಂಬ ಬದುಕಿನ ಕಹಿ ಸತ್ಯವನ್ನು ಅತ್ಯಂತ ಮಾರ್ಮಿಕವಾಗಿ ತೋರಿಸಲಾಗಿತ್ತು.