ಗೃಹಜ್ಯೋತಿ ಫಲಾನುಭವಿಗಳಿಗೆ ಮಹತ್ವದ ಸುದ್ದಿ: ಮನೆ-ಮನೆ ಪರಿಶೀಲನೆ, ಆಗಸ್ಟ್ 31 ಕೊನೆಯ ದಿನಾಂಕ – ವದಂತಿಗಳಿಗೆ ಕಿವಿಗೊಡಬೇಡಿ!
ಗೃಹಜ್ಯೋತಿ ಯೋಜನೆ ಪರಿಶೀಲನೆ 2026; ರಾಜ್ಯ ಸರ್ಕಾರದ ಪಂಚ ಗ್ಯಾರಂಟಿ ಯೋಜನೆಗಳಲ್ಲಿ ಒಂದಾದ ‘ಗೃಹಜ್ಯೋತಿ’ (200 ಯೂನಿಟ್ ಉಚಿತ ವಿದ್ಯುತ್) ಯೋಜನೆಯ ದುರುಪಯೋಗವನ್ನು ತಡೆಯಲು ಹಾಗೂ ಅನರ್ಹ / ವಾಣಿಜ್ಯ ಬಳಕೆಯ ಖಾತೆಗಳನ್ನು ತೆಗೆದುಹಾಕಲು ಇಂಧನ ಇಲಾಖೆಯು ಜುಲೈ 1 ರಿಂದ ರಾಜ್ಯಾದ್ಯಂತ ಮನೆ-ಮನೆ ಪರಿಶೀಲನೆ (Door-to-Door Verification) ಪ್ರಕ್ರಿಯೆಯನ್ನು ಹಮ್ಮಿಕೊಂಡಿದೆ.
ಈ ನಡುವೆ ಸಾಮಾಜಿಕ ಜಾಲತಾಣಗಳಲ್ಲಿ “ಜುಲೈ 31 ದಾಖಲೆ ಸಲ್ಲಿಸಲು ಕೊನೆಯ ದಿನಾಂಕ” ಎಂಬ ವದಂತಿಗಳು ಹರಡಿದ್ದವು. ಈ ಕುರಿತು ವಿದ್ಯುತ್ ಸರಬರಾಜು ಕಂಪನಿಗಳು (CESC, BESCOM) ಸ್ಪಷ್ಟನೆ ನೀಡಿದ್ದು, ಯಾವುದೇ ಆತಂಕ ಪಡುವ ಅಗತ್ಯವಿಲ್ಲ ಎಂದು ತಿಳಿಸಿವೆ.
ಪ್ರಮುಖ ಸುದ್ದಿಯ ಮುಖ್ಯಾಂಶಗಳು:
- ಆಗಸ್ಟ್ 31 ರವರೆಗೆ ಕಾಲಾವಕಾಶ: ಮೈಸೂರು ಚಾಮುಂಡೇಶ್ವರಿ ವಿದ್ಯುತ್ ಸರಬರಾಜು ನಿಗಮ (CESC) ಸ್ಪಷ್ಟಪಡಿಸಿದ್ದು, ಗ್ರಾಹಕರು ಫಲಾನುಭವಿ ಮಾಹಿತಿಯನ್ನು ಒದಗಿಸಲು ಆಗಸ್ಟ್ 31, 2026 ರವರೆಗೆ ಸಮಯಾವಕಾಶವಿದೆ. ಜುಲೈ 31 ಕೊನೆಯ ದಿನ ಎಂಬುದು ಕೇವಲ ಸುಳ್ಳು ಸುದ್ದಿ.
- ಉಚಿತ ವಿದ್ಯುತ್ ನಿಲ್ಲುವುದಿಲ್ಲ (ನಿರಂತರ ಸೇವೆ): ಪರಿಶೀಲನೆ (Reverification) ನಡೆಯುತ್ತಿರುವಾಗ ಅಥವಾ ಆಧಾರ್ ಅಪ್ಡೇಟ್ ಆಗುವ ಸಮಯದಲ್ಲಿ ಯಾವುದೇ ಫಲಾನುಭವಿಯ ಉಚಿತ ವಿದ್ಯುತ್ ಸೌಲಭ್ಯ ನಿಲ್ಲುವುದಿಲ್ಲ ಎಂದು ಬೆಸ್ಕಾಂ (BESCOM) ಅಭಯ ನೀಡಿದೆ.
- ಸಿಬ್ಬಂದಿಯೇ ಮನೆಗೆ ಬರಲಿದ್ದಾರೆ: ಗ್ರಾಹಕರು ಅಥವಾ ಬಾಡಿಗೆದಾರರು ಯಾವುದೇ ಎಸ್ಕಾಂ ಕಚೇರಿಗಳಿಗೆ ಅಲೆಯುವ ಅಗತ್ಯವಿಲ್ಲ. ಮೀಟರ್ ರೀಡರ್ಗಳು ಹಾಗೂ ಎಸ್ಕಾಂ ಸಿಬ್ಬಂದಿಯೇ ಮನೆಗೆ ಭೇಟಿ ನೀಡಿ ಅಗತ್ಯ ವಿವರಗಳನ್ನು ಮೊಬೈಲ್ ಆಪ್ ಮೂಲಕ ಅಪ್ಡೇಟ್ ಮಾಡಿಕೊಳ್ಳಲಿದ್ದಾರೆ.
- ಬಾಡಿಗೆದಾರರಿಗೆ (Tenants) ನಿರಾಳ: ಹಳೆಯ ಬಾಡಿಗೆದಾರರ ಆಧಾರ್ ಲಿಂಕ್ ಆಗಿದ್ದರೂ, ಪ್ರಸ್ತುತ ಇರುವ ಬಾಡಿಗೆದಾರರ ಬಾಡಿಗೆ ಕರಾರು ಪತ್ರ (Rental Agreement) ಮತ್ತು ಆಧಾರ್ ಆಧರಿಸಿ ಸ್ಥಳದಲ್ಲೇ ಸಿಬ್ಬಂದಿ ವಿವರಗಳನ್ನು ಬದಲಾಯಿಸಿಕೊಡಲಿದ್ದಾರೆ.
ಪರಿಶೀಲನೆ ವೇಳೆ ಸಿಬ್ಬಂದಿಗೆ ಏನೆಲ್ಲಾ ತೋರಿಸಬೇಕು?
ಮೀಟರ್ ರೀಡರ್ಗಳು ಮನೆಗೆ ಬಂದಾಗ ಈ ಕೆಳಗಿನ ದಾಖಲೆಗಳ ಪ್ರತಿಯನ್ನು ಸಿದ್ಧವಾಗಿಟ್ಟುಕೊಳ್ಳಿ:
- ಆಧಾರ್ ಕಾರ್ಡ್ (ಪರಿಶೀಲನೆಗಾಗಿ ಮಾತ್ರ).
- ಆರ್ಆರ್ ಸಂಖ್ಯೆ / ವಿದ್ಯುತ್ ಬಿಲ್.
- ಬಾಡಿಗೆ ಒಪ್ಪಂದ ಪತ್ರ (ಬಾಡಿಗೆದಾರರಾಗಿದ್ದರೆ).
- ಮನೆಯವರ ಮತದಾರರ ಗುರುತಿನ ಚೀಟಿ (Voter ID).
ವ್ಯಾಪಾರ ಉದ್ದೇಶದ ಕಟ್ಟಡಗಳು ಮತ್ತು ಒಬ್ರೇ ವ್ಯಕ್ತಿ ಹೆಸರಿನಲ್ಲಿ ಹಲವು ಉಚಿತ ಮೀಟರ್ಗಳಿರುವುದನ್ನು ಪತ್ತೆಹಚ್ಚಿ ನಿಜವಾದ ಅರ್ಹ ಬಡಜನರಿಗೆ ಯೋಜನೆಯ ಲಾಭ ಸಿಗುವಂತೆ ಮಾಡುವುದೇ ಈ ಪರಿಶೀಲನೆಯ ಮೂಲ ಉದ್ದೇಶವಾಗಿದೆ.