ಆಧಾರ್ ಕಾರ್ಡ್ ಅಪ್‌ಡೇಟ್: ಆನ್‌ಲೈನ್‌ನಲ್ಲೇ ಉಚಿತವಾಗಿ ಆಧಾರ್ ವಿವರ ಬದಲಾಯಿಸುವುದು ಹೇಗೆ? ಸರಳ ಹಂತಗಳು ಇಲ್ಲಿವೆ!

• ಆನ್‌ಲೈನ್‌ನಲ್ಲಿ ಆಧಾರ್ ಕಾರ್ಡ್ ಅಪ್‌ಡೇಟ್ (Aadhaar Card Update Online in Kannada)

ಬೆಂಗಳೂರು: ದೇಶದ ಪ್ರತಿಯೊಬ್ಬ ಪ್ರಜೆಗೆ ಆಧಾರ್ ಕಾರ್ಡ್ ಅತ್ಯಂತ ಪ್ರಮುಖ ಗುರುತಿನ ಚೀಟಿಯಾಗಿದೆ. ಬ್ಯಾಂಕ್ ಖಾತೆ ತೆರೆಯುವುದರಿಂದ ಹಿಡಿದು ಸರ್ಕಾರದ ಗ್ಯಾರಂಟಿ ಯೋಜನೆಗಳು ಹಾಗೂ ರೇಷನ್ ಕಾರ್ಡ್ ಸೌಲಭ್ಯ ಪಡೆಯುವವರೆಗೆ ಆಧಾರ್‌ನಲ್ಲಿರುವ ವಿವರಗಳು ಸರಿಯಾಗಿರುವುದು ಕಡ್ಡಾಯ. ನಿಮ್ಮ ಆಧಾರ್‌ನಲ್ಲಿ ವಿಳಾಸ (Address), ಹೆಸರು ಅಥವಾ ಹುಟ್ಟಿದ ದಿನಾಂಕದಲ್ಲಿ ತಿದ್ದುಪಡಿ ಮಾಡಬೇಕಿದ್ದರೆ, ಆಧಾರ್ ಕೇಂದ್ರಗಳಿಗೆ ಅಲೆದಾಡುವ ಅಗತ್ಯವಿಲ್ಲ!

​ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರ (UIDAI) ತನ್ನ myAadhaar ಪೋರ್ಟಲ್ ಮೂಲಕ ಮನೆಯಲ್ಲೇ ಕುಳಿತು ಆಧಾರ್ ವಿವರಗಳನ್ನು ಆನ್‌ಲೈನ್‌ನಲ್ಲಿ ಅಪ್‌ಡೇಟ್ ಮಾಡಲು ಅವಕಾಶ ನೀಡಿದೆ.

​ಆನ್‌ಲೈನ್‌ನಲ್ಲಿ ಯಾವ ವಿವರಗಳನ್ನು ಅಪ್‌ಡೇಟ್ ಮಾಡಬಹುದು?

1. ​ವಿಳಾಸ (Address): ಮನೆ ಬದಲಾಯಿಸಿದಾಗ ಅಥವಾ ಮದುವೆಯ ನಂತರ ಹೊಸ ವಿಳಾಸ ಸೇರಿಸಲು.
2. ​ದಾಖಲೆಗಳ ಸಲ್ಲಿಕೆ (Document Update): ಆಧಾರ್ ಕಾರ್ಡ್ ಪಡೆದು 10 ವರ್ಷಗಳಾಗಿದ್ದರೆ, ಗುರುತಿನ ಪುರಾವೆ (PoI) ಮತ್ತು ವಿಳಾಸದ ಪುರಾವೆ (PoA) ಅಪ್‌ಲೋಡ್ ಮಾಡುವುದು.

​(ಗಮನಿಸಿ: ಫೋಟೋ, ಬಯೋಮೆಟ್ರಿಕ್ (ಬೆರಳಚ್ಚು), ಮೊಬೈಲ್ ಸಂಖ್ಯೆ ಹಾಗೂ ಇಮೇಲ್ ಬದಲಾವಣೆಗೆ ಹತ್ತಿರದ ಆಧಾರ್ ಸೇವಾ ಕೇಂದ್ರಕ್ಕೇ ಭೇಟಿ ನೀಡಬೇಕಾಗುತ್ತದೆ).

​ಆನ್‌ಲೈನ್‌ನಲ್ಲಿ ಆಧಾರ್ ಅಪ್‌ಡೇಟ್ ಮಾಡುವ ಸರಳ ಹಂತಗಳು:

1
myAadhaar ಪೋರ್ಟಲ್‌ಗೆ ಭೇಟಿ ನೀಡಿ
UIDAI ನ ಅಧಿಕೃತ ವೆಬ್‌ಸೈಟ್‌ myaadhaar.uidai.gov.in ಗೆ ಭೇಟಿ ನೀಡಿ ‘Login’ ಬಟನ್ ಕ್ಲಿಕ್ ಮಾಡಿ.
2
ಆಧಾರ್ ಸಂಖ್ಯೆ ಮತ್ತು OTP ನಮೂದಿಸಿ
ನಿಮ್ಮ 12 ಅಂಗಳ ಆಧಾರ್ ಸಂಖ್ಯೆ ಮತ್ತು ಕ್ಯಾಪ್ಚಾ (Captcha) ಕೋಡ್ ಹಾಕಿ ‘Send OTP’ ಕ್ಲಿಕ್ ಮಾಡಿ. ನಿಮ್ಮ ಆಧಾರ್‌ಗೆ ಲಿಂಕ್ ಆಗಿರುವ ಮೊಬೈಲ್ ಸಂಖ್ಯೆಗೆ ಬರುವ OTP ನಮೂದಿಸಿ ಲಾಗಿನ್ ಆಗಿ.
3
ಸೇವೆಯನ್ನು ಆಯ್ಕೆ ಮಾಡಿ
ಡೆಶ್‌ಬೋರ್ಡ್‌ನಲ್ಲಿ ಕಾಣಿಸುವ ‘Address Update’ ಅಥವಾ ‘Document Update’ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
4
ಹೊಸ ವಿವರ ಮತ್ತು ದಾಖಲೆ ಅಪ್‌ಲೋಡ್ ಮಾಡಿ
ನೀವು ಬದಲಾಯಿಸಲು ಬಯಸುವ ಹೊಸ ವಿಳಾಸವನ್ನು ಸರಿಯಾಗಿ ಭರ್ತಿ ಮಾಡಿ. ನಂತರ ಅದಕ್ಕೆ ಸೂಕ್ತವಾದ ಗುರುತಿನ ಅಥವಾ ವಿಳಾಸದ ಪುರಾವೆ ದಾಖಲೆಯನ್ನು (Ration Card, Voter ID, Electricity Bill ಇತ್ಯಾದಿ) ಸ್ಕ್ಯಾನ್ ಮಾಡಿ (JPEG/PNG/PDF ರೂಪದಲ್ಲಿ) ಅಪ್‌ಲೋಡ್ ಮಾಡಿ.
5
ಪರಿಶೀಲಿಸಿ ಮತ್ತು ಸಲ್ಲಿಸಿ (Submit)
ನೀವು ನೀಡಿದ ವಿವರಗಳನ್ನು ಮತ್ತೊಮ್ಮೆ ಪರಿಶೀಲಿಸಿ, ನಿಯಮಗಳಿಗೆ ಒಪ್ಪಿಗೆ ಸೂಚಿಸಿ ಸಲ್ಲಿಸಿ. ತಕ್ಷಣ ನಿಮಗೆ 14 ಅಂಕಿಯ SRN (Service Request Number) ಸಿಗುತ್ತದೆ. ಇದನ್ನು ಬಳಸಿ ನಂತರ ಅಪ್‌ಡೇಟ್ ಸ್ಥಿತಿಯನ್ನು (Status) ಟ್ರ್ಯಾಕ್ ಮಾಡಬಹುದು.

ಅಗತ್ಯವಿರುವ ಪ್ರಮುಖ ದಾಖಲೆಗಳು:

• ​ಮತದಾರರ ಗುರುತಿನ ಚೀಟಿ (Voter ID)
• ​ಪಾಸಪೋರ್ಟ್ ಅಥವಾ ಪಡಿತರ ಚೀಟಿ (Ration Card)
• ​ಕರೆಂಟ್ ಬಿಲ್ / ವಾಟರ್ ಬಿಲ್ (ಕಳೆದ 3 ತಿಂಗಳದ್ದು)
• ​ಬ್ಯಾಂಕ್ ಪಾಸ್‌ಬುಕ್ / ಸ್ಟೇಟ್‌ಮೆಂಟ್

​ಆನ್‌ಲೈನ್‌ನಲ್ಲಿ ಉಚಿತವಾಗಿ ಅಥವಾ ಕನಿಷ್ಠ ಶುಲ್ಕದಲ್ಲಿ ಆಧಾರ್ ಅಪ್‌ಡೇಟ್ ಮಾಡುವ ಅವಕಾಶವನ್ನು ಪ್ರತಿಯೊಬ್ಬರೂ ಬಳಸಿಕೊಂಡು ತಮ್ಮ ಆಧಾರ್ ವಿವರಗಳನ್ನು ಅಪ್‌ಟುಡೇಟ್ ಆಗಿಟ್ಟುಕೊಳ್ಳಿ!