ಅನ್ನಭಾಗ್ಯ ₹170 ಹಣ ಖಾತೆಗೆ ಜಮೆ ಶುರು: ಹೆಚ್ಚುವರಿ ಅಕ್ಕಿ ಬದಲು ನಗದು ವರ್ಗಾವಣೆ! ನಿಮ್ಮ ರೇಷನ್ ಕಾರ್ಡ್ ಸ್ಟೇಟಸ್ ಹೀಗೆ ಚೆಕ್ ಮಾಡಿ!

ರಾಜ್ಯ ಸರ್ಕಾರದ ಮಹತ್ವದ ಗ್ಯಾರಂಟಿ ಯೋಜನೆಗಳಲ್ಲಿ ಒಂದಾದ ‘ಅನ್ನಭಾಗ್ಯ’ (Anna Bhagya Scheme) ಅಡಿಯಲ್ಲಿ ಬಿಪಿಎಲ್ (BPL) ಮತ್ತು ಅಂತ್ಯೋದಯ (AAY) ಪಡಿತರ ಚೀಟಿದಾರರಿಗೆ 5 ಕೆಜಿ ಉಚಿತ ಅಕ್ಕಿಯ ಜೊತೆಗೆ, ಹೆಚ್ಚುವರಿ 5 ಕೆಜಿ ಅಕ್ಕಿಯ ಬದಲಾಗಿ ಪ್ರತಿ ಸದಸ್ಯರಿಗೆ ತಲಾ ₹170 ನಗದು (ಪ್ರತಿ ಕೆಜಿಗೆ ₹34 ರಂತೆ) ಹಣವನ್ನು ನೇರ ನಗದು ವರ್ಗಾವಣೆ (DBT) ಮೂಲಕ ಅರ್ಹ ಫಲಾನುಭವಿಗಳ ಬ್ಯಾಂಕ್ ಖಾತೆಗೆ ಜಮೆ ಮಾಡಲಾಗುತ್ತಿದೆ.

ಕುಟುಂಬದ ಸದಸ್ಯರ ಸಂಖ್ಯೆಗೆ ಅನುಗುಣವಾಗಿ ಹಣ ವರ್ಗಾವಣೆಯಾಗುತ್ತಿದ್ದು, ನಿಮ್ಮ ಬ್ಯಾಂಕ್ ಖಾತೆಗೆ ಅನ್ನಭಾಗ್ಯ ಯೋಜನೆಯ ಹಣ ಬಂದಿದೆಯೇ ಎಂಬುದನ್ನು ಮೊಬೈಲ್‌ನಲ್ಲೇ ಪರಿಶೀಲಿಸಬಹುದು.

ಕುಟುಂಬಕ್ಕೆ ಎಷ್ಟು ಹಣ ಸಿಗಲಿದೆ?

• ಒಬ್ಬ ಸದಸ್ಯರಿದ್ದರೆ: ₹170
• ಇಬ್ಬರು ಸದಸ್ಯರಿದ್ದರೆ: ₹340
• ಮೂವರು ಸದಸ್ಯರಿದ್ದರೆ: ₹510
• ನಾಲ್ವರು ಸದಸ್ಯರಿದ್ದರೆ: ₹680
• ಐದು ಸದಸ್ಯರಿದ್ದರೆ: ₹850

ಆಹಾರ ಇಲಾಖೆ ವೆಬ್‌ಸೈಟ್ ಮೂಲಕ DBT ಸ್ಟೇಟಸ್ ಚೆಕ್ ಮಾಡುವ ಸುಲಭ ವಿಧಾನ:

1.ಅಧಿಕೃತ ಪೋರ್ಟಲ್‌ಗೆ ಭೇಟಿ ನೀಡಿ:

ಕರ್ನಾಟಕ ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆಯ ಅಧಿಕೃತ ಪೋರ್ಟಲ್ ಭೇಟಿ ನೀಡಿ ‘ಇ-ಸೇವೆಗಳು’ (e-Services) ಮೆನು ಆಯ್ಕೆ ಮಾಡಿ.

2.DBT Status ಲಿಂಕ್ ಕ್ಲಿಕ್ ಮಾಡಿ:

‘ಇ-ಸ್ಥಿತಿ’ (e-Status) ವಿಭಾಗದಲ್ಲಿ ‘DBT Status’ ಆಯ್ಕೆಯನ್ನು ಕ್ಲಿಕ್ ಮಾಡಿ ನಿಮ್ಮ ಜಿಲ್ಲೆಯ ಲಿಂಕ್ ಮೇಲೆ ಕ್ಲಿಕ್ ಮಾಡಿ.

3.ವಿವರ ನಮೂದಿಸಿ ಸ್ಟೇಟಸ್ ಪರಿಶೀಲಿಸಿ:

ನಿಮ್ಮ ರೇಷನ್ ಕಾರ್ಡ್ (RC Number) ನಮೂದಿಸಿ, ವರ್ಷ ಮತ್ತು ಪ್ರಸ್ತುತ ತಿಂಗಳನ್ನು ಆಯ್ಕೆ ಮಾಡಿ ‘Go/Submit’ ಬಟನ್ ಕ್ಲಿಕ್ ಮಾಡಿ. ನಿಮ್ಮ ಖಾತೆಗೆ ಜಮೆಯಾದ ಮೊತ್ತ, ದಿನಾಂಕ ಮತ್ತು UTR ವಿವರಗಳು ಪರದೆಯ ಮೇಲೆ ಕಾಣಿಸುತ್ತವೆ.

ಹಣ ಬಾರದಿದ್ದರೆ ಈ ತಾಂತ್ರಿಕ ಅಂಶಗಳನ್ನು ಗಮನಿಸಿ:

• ಮನೆಯ ಮುಖ್ಯಸ್ಥರ ಬ್ಯಾಂಕ್ ಖಾತೆಗೆ ಆಧಾರ್ ಲಿಂಕ್ ಮತ್ತು NPCI ಸೀಡಿಂಗ್ ಕಡ್ಡಾಯವಾಗಿ ಸಕ್ರಿಯವಾಗಿರಬೇಕು.
• ಪಡಿತರ ಚೀಟಿಯಲ್ಲಿರುವ ಎಲ್ಲಾ ಸದಸ್ಯರ ಇ-ಕೆವೈಸಿ (e-KYC) ಬಯೋಮೆಟ್ರಿಕ್ ಪೂರ್ಣಗೊಂಡಿರಬೇಕು.
• ಬ್ಯಾಂಕ್ ಖಾತೆ ಚಾಲ್ತಿಯಲ್ಲಿರಬೇಕು (Inoperative / Dormant ಆಗಿರಬಾರದು).