ಕೆ. ಆರ್. ನಗರದಲ್ಲಿ ನಾಳೆ ನಿರಾಕಾರ ವಿಶ್ವಕರ್ಮ ಕೃತಿ ಲೋಕಾರ್ಪಣೆ: ಶಾಸಕ ಡಿ. ರವಿಶಂಕರ್ವಾವರಿಂದ ಬಿಡುಗಡೆ!
ಕೆ.ಆರ್.ನಗರದಲ್ಲಿ ನಾಳೆ ‘ನಿರಾಕಾರ ವಿಶ್ವಕರ್ಮ’ ಕೃತಿ ಲೋಕಾರ್ಪಣೆ: ಶಾಸಕ ಡಿ. ರವಿಶಂಕರ್ ಅವರಿಂದ ಬಿಡುಗಡೆ!
ಕೆ.ಆರ್.ನಗರ (ಮೈಸೂರು): ಕಾವ್ಯಸ್ಪಂದನ ಪ್ರಕಾಶನ ಪ್ರಕಟಿಸಿರುವ ಪತ್ರಕರ್ತ ಹಾಗೂ ಲೇಖಕ ಚಂದ್ರಶೇಖರ ಗಂಧನಹಳ್ಳಿ ಅವರ ನೂತನ ಕೃತಿ ‘ನಿರಾಕಾರ ವಿಶ್ವಕರ್ಮ’ ಸೆಪ್ಟೆಂಬರ್ 17ರಂದು ಲೋಕಾರ್ಪಣೆಗೊಳ್ಳಲಿದೆ.
ತಾಲೂಕು ಆಡಳಿತ, ತಾಲೂಕು ವಿಶ್ವಕರ್ಮ ಸೇವಾ ಸಮಾಜ ಹಾಗೂ ವಿಶ್ವಕರ್ಮ ಸಂಘದ ಜಂಟಿ ಆಶ್ರಯದಲ್ಲಿ ಆಯೋಜಿಸಲಾಗಿರುವ ‘ವಿಶ್ವಕರ್ಮ ಜಯಂತಿ’ ಅಂಗವಾಗಿ ಪಟ್ಟಣದ ತಾಲೂಕು ಆಡಳಿತ ಕಚೇರಿಯ ಸಭಾಂಗಣದಲ್ಲಿ ಬೆಳಗ್ಗೆ 10:30ಕ್ಕೆ ಈ ಕಾರ್ಯಕ್ರಮ ನಡೆಯಲಿದೆ.
- ಕೃತಿ ಬಿಡುಗಡೆ: ಶಾಸಕ ಡಿ. ರವಿಶಂಕರ್ ಅವರು ಕೃತಿಯನ್ನು ಲೋಕಾರ್ಪಣೆ ಮಾಡಲಿದ್ದಾರೆ.
- ಅಧ್ಯಕ್ಷತೆ: ತಹಸೀಲ್ದಾರ್ ಜಿ. ಸುರೇಂದ್ರ ಮೂರ್ತಿ ವಹಿಸಲಿದ್ದಾರೆ.
- ಉಪಸ್ಥಿತಿ: ತಾಲೂಕು ವಿಶ್ವಕರ್ಮ ಸೇವಾ ಸಮಾಜದ ಅಧ್ಯಕ್ಷ ರೇವಣ್ಣ, ವಿಶ್ವಕರ್ಮ ಸಂಘದ ಅಧ್ಯಕ್ಷ ವೇಣುಗೋಪಾಲ್ ಎನ್., ಮುಖಂಡರಾದ ಈಶ್ವರಾಚಾರ್, ರವಿಕುಮಾರ್, ಚೇತನ್ ಮೂರ್ತಿ ಸೇರಿದಂತೆ ಸಮುದಾಯದ ಮುಖಂಡರು ಭಾಗವಹಿಸಲಿದ್ದಾರೆ.
ಕಾರ್ಯಕ್ರಮಕ್ಕೂ ಮುನ್ನ ಸ್ಥಳೀಯ ಶ್ರೀ ಕಾಳಿಕಾಂಬಾ ದೇವಾಲಯದಲ್ಲಿ ವಿಶೇಷ ಪೂಜೆ ನೆರವೇರಲಿದ್ದು, ನಂತರ ತಾಲೂಕು ಕಚೇರಿಯವರೆಗೆ ಭವ್ಯ ಮೆರವಣಿಗೆ ನಡೆಯಲಿದೆ. ಸಾರ್ವಜನಿಕರ ಆಸಕ್ತಿಯ ಮೇರೆಗೆ ಈ ಕೃತಿಯನ್ನು ತಿಂಗಳ ಅಂತರದಲ್ಲಿ ಮೂರು ಪ್ರತ್ಯೇಕ ವೇದಿಕೆಗಳಲ್ಲಿ ಬಿಡುಗಡೆ ಮಾಡಲಾಗುತ್ತಿದೆ ಎಂದು ಆಯೋಜಕರು ತಿಳಿಸಿದ್ದಾರೆ.