ಸಾಲಗಾರರನ್ನು ನಿಂದಿಸುವಂತಿಲ್ಲ, ಬೆದರಿಕೆ ಹಾಕುವಂತಿಲ್ಲ: RBIಯಿಂದ ಹೊಸ ಸಾಲ ವಸೂಲಾತಿ ಕಟ್ಟುನಿಟ್ಟಿನ ನಿಯಮ ಜಾರಿ!
ಆರ್ಬಿಐ ಸಾಲ ವಸೂಲಾತಿ ನಿಯಮಗಳು 2027; ಸಾಲ ಪಡೆದು ಕಂತು (EMI) ಪಾವತಿಸಲು ತಡವಾದಾಗ ಬ್ಯಾಂಕ್ಗಳು ಹಾಗೂ ಸಾಲ ವಸೂಲಾತಿ ಏಜೆನ್ಸಿಗಳು (Recovery Agencies) ನೀಡುವ ತೀವ್ರ ಕಿರುಕುಳ, ಬೆದರಿಕೆ ಮತ್ತು ಮಾನಸಿಕ ಕಿರುಕುಳಕ್ಕೆ ಅಂಕೋಶ ಹಾಕಲು ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಬೃಹತ್ ಕ್ರಮ ಕೈಗೊಂಡಿದೆ. ಸಾಲ ವಸೂಲಾತಿ ಪ್ರಕ್ರಿಯೆಯು ಗೌರವಯುತ ಹಾಗೂ ಪಾರದರ್ಶಕವಾಗಿರಬೇಕು ಎಂಬ ಉದ್ದೇಶದಿಂದ ಆರ್ಬಿಐ ನೂತನ ‘ಸಾಲ ವಸೂಲಾತಿ ಮಾರ್ಗದರ್ಶಿ’ಯನ್ನು ಬಿಡುಗಡೆ ಮಾಡಿದೆ.
ಈ ಹೊಸ ಕಟ್ಟುನಿಟ್ಟಿನ ಚೌಕಟ್ಟು ಜನವರಿ 1, 2027ರಿಂದ ದೇಶಾದ್ಯಂತ ಜಾರಿಗೆ ಬರಲಿದೆ.
ಸಾಲ ವಸೂಲಾತಿಯಲ್ಲಿ ಏಜೆಂಟ್ಗಳು ಅನುಸರಿಸಬೇಕಾದ ಕಟ್ಟುನಿಟ್ಟಿನ ನಿಯಮಗಳು:
- ನಿಂದನೆ ಮತ್ತು ನಿಂದನೀಯ ಭಾಷೆಗೆ ತಡೆ: ಸಾಲಗಾರರನ್ನು ಅಥವಾ ಅವರ ಕುಟುಂಬಸ್ಥರನ್ನು ಯಾವುದೇ ಕಾರಣಕ್ಕೂ ನಿಂದಿಸುವಂತಿಲ್ಲ, ಗದರಿಸುವಂತಿಲ್ಲ ಹಾಗೂ ಅವಾಚ್ಯ ಶಬ್ದಗಳನ್ನು ಬಳಸುವಂತಿಲ್ಲ.
- ಬೆದರಿಕೆ ಹಾಕುವಂತಿಲ್ಲ: ಶಾರೀರಿಕ ಹಾನಿ, ಬಂಧನದ ಬೆದರಿಕೆ ಅಥವಾ ಸಾಮಾಜಿಕವಾಗಿ ಮಾನಹಾನಿ ಮಾಡುವಂತಹ ಯಾವುದೇ ಬೆದರಿಕೆಗಳನ್ನು ಹಾಕುವುದನ್ನು ಕಟ್ಟುನಿಟ್ಟಾಗಿ ನಿಷೇಧಿಸಲಾಗಿದೆ.
- ಸಾರ್ವಜನಿಕವಾಗಿ ಅವಮಾನಿಸುವಂತಿಲ್ಲ: ಸಾಲಗಾರರ ಮನೆ, ಕಚೇರಿ ಅಥವಾ ನೆರೆಹೊರೆಯವರ ಮುಂದೆ ಸಾರ್ವಜನಿಕವಾಗಿ ರಂಪಾಟ ಮಾಡಿ ಅವಮಾನ ಮಾಡುವಂತಿಲ್ಲ.
- ಪದೇ ಪದೇ ಕರೆ ಮಾಡಿ ಕಿರುಕುಳ ಬೇಡ: ದಿನಕ್ಕೆ ನೂರಾರು ಬಾರಿ ಕರೆ ಮಾಡುವುದು ಅಥವಾ ಅಸಮಯದಲ್ಲಿ (ಬೆಳಿಗ್ಗೆ 8:00 ಗಂಟೆಗಿಂತ ಮುಂಚೆ ಹಾಗೂ ಸಂಜೆ 7:00 ಗಂಟೆಯ ನಂತರ) ಕರೆ ಮಾಡುವುದು ಕಾನೂನುಬಾಹಿರ.
- ಗುರುತು ಸ್ಪಷ್ಟಪಡಿಸುವುದು ಕಡ್ಡಾಯ: ಸಾಲ ವಸೂಲಾತಿಗೆ ಬರುವ ಏಜೆಂಟ್ಗಳು ಕಡ್ಡಾಯವಾಗಿ ತಮ್ಮ ಗುರುತಿನ ಚೀಟಿ (ID Card), ಬ್ಯಾಂಕ್ನ ಅಧಿಕೃತ ಪತ್ರ ಹಾಗೂ ನೋಟಿಸ್ ಅನ್ನು ಹೊಂದಿರಬೇಕು.
- ಕರೆಗಳ ರೆಕಾರ್ಡಿಂಗ್ ವ್ಯವಸ್ಥೆ: ಸಾಲ ವಸೂಲಾತಿಗೆ ಸಂಬಂಧಿಸಿದಂತೆ ಮಾಡುವ ಪ್ರತಿಯೊಂದು ಕರೆಯನ್ನು ಬ್ಯಾಂಕ್ಗಳು ಕಡ್ಡಾಯವಾಗಿ ರೆಕಾರ್ಡ್ (Record) ಮಾಡಿ ಸುರಕ್ಷಿತವಾಗಿಡಬೇಕು.
ಸಾಲಗಾರರ ಹಕ್ಕುಗಳು (Borrower Rights):
- ಗೌರವಯುತ ವರ್ತನೆ ಪಡೆಯುವ ಹಕ್ಕು: ಸಾಲ ಬಾಕಿ ಇದ್ದರೂ ಸಹ ಪ್ರತಿಯೊಬ್ಬ ನಾಗರಿಕನಿಗೆ ಗೌರವದಿಂದ ನಡೆಸಿಕೊಳ್ಳಲ್ಪಡುವ ಹಕ್ಕಿದೆ.
- ಖಾಸಗಿತನದ ರಕ್ಷಣೆ (Privacy Rights): ಸಾಲಗಾರರ ವೈಯಕ್ತಿಕ ಮಾಹಿತಿ, ಫೋಟೋ ಅಥವಾ ದಾಖಲೆಗಳನ್ನು ಅವರ ಅನುಮತಿಯಿಲ್ಲದೆ ಸಾರ್ವಜನಿಕವಾಗಿ ಹಂಚಿಕೊಳ್ಳುವಂತಿಲ್ಲ.
- ಕಾಲ್ ರೆಕಾರ್ಡ್ ಹಾಗೂ ದಾಖಲೆ: ವಸೂಲಾತಿ ಏಜೆಂಟರು ನಿಯಮ ಉಲ್ಲಂಘಿಸಿದರೆ ಅವರ ವಿರುದ್ಧ ದೂರು ನೀಡಲು ಸಾಲಗಾರರಿಗೆ ಸಂಪೂರ್ಣ ಹಕ್ಕಿರುತ್ತದೆ.
ನಿಯಮ ಉಲ್ಲಂಘಿಸಿದರೆ ಕಠಿಣ ಕ್ರಮ:
ಆರ್ಬಿಐ ನಿರ್ದೇಶನದಂತೆ ಯಾವುದೇ ಬ್ಯಾಂಕ್ ಅಥವಾ ಹಣಕಾಸು ಸಂಸ್ಥೆಗಳ ವಸೂಲಾತಿ ಏಜೆಂಟ್ಗಳು ಈ ನಿಯಮಗಳನ್ನು ಉಲ್ಲಂಘಿಸಿದರೆ, ಸದರಿ ಬ್ಯಾಂಕ್ಗಳ ವಿರುದ್ಧ ಆರ್ಬಿಐ ಭಾರಿ ದಂಡ ಹಾಗೂ ಕಟ್ಟುನಿಟ್ಟಿನ ಶಿಸ್ತುಕ್ರಮ ಕೈಗೊಳ್ಳಲಿದೆ.