ಬೆಂಗಳೂರಿಗರೇ ಗಮನಿಸಿ: ಕಾವೇರಿ ನೀರು ಸರಬರಾಜು ಹಂತ-1ರ ಮರಾಮತ್ತು ಕಾಮಗಾರಿ; ದಕ್ಷಿಣ ಹಾಗೂ ಕೇಂದ್ರ ಬೆಂಗಳೂರಿನಲ್ಲಿ ಇಂದು ನೀರು ಪೂರೈಕೆ ವ್ಯತ್ಯಯ!

• ಬೆಂಗಳೂರು ಕಾವೇರಿ ನೀರು ಪೂರೈಕೆ ವ್ಯತ್ಯಯ ಸೆಪ್ಟೆಂಬರ್ 22 (Bengaluru Cauvery Water Supply Disruption September 22 Kannada)

ಬೆಂಗಳೂರು: ನಗರದ ವಿವಿಧ ಪ್ರದೇಶಗಳಲ್ಲಿ ಕಾವೇರಿ ನೀರು ಸರಬರಾಜು ಯೋಜನೆಯ 1ನೇ ಹಂತದ ಜಲರೇಚಕ ಯಂತ್ರಾಗಾರದಲ್ಲಿ ತುರ್ತು ದುರಸ್ತಿ ಹಾಗೂ ನಿರ್ವಹಣಾ ಕಾಮಗಾರಿಗಳನ್ನು ಹಮ್ಮಿಕೊಳ್ಳಲಾಗಿದ್ದು, ಇಂದು ನಗರದ ಹಲವೆಡೆ ಕಾವೇರಿ ನೀರು ಪೂರೈಕೆಯಲ್ಲಿ ವ್ಯತ್ಯಯ ಉಂಟಾಗಲಿದೆ ಎಂದು ಬೆಂಗಳೂರು ಜಲಮಂಡಳಿ (BWSSB) ತಿಳಿಸಿದೆ.

​ಪಂಪ್ ಸಂಖ್ಯೆ-4ರ ಐಸೊಲೇಷನ್ ಸ್ಲೂಯಿಸ್ ವಾಲ್ವ್ ಬೈಪಾಸ್ (Isolation Sluice Valve Bypass) ಹಾಗೂ ಎಕ್ಸ್‌ಪಾನ್ಷನ್ ಬೆಲ್ಲೋ (Expansion Bellow) ತುರ್ತು ದುರಸ್ತಿ ಕಾಮಗಾರಿ ಹಿನ್ನೆಲೆಯಲ್ಲಿ ಜಲರೇಚಕ ಯಂತ್ರಾಗಾರಗಳನ್ನು ಇಂದು ಬೆಳಿಗ್ಗೆ 6:00 ಗಂಟೆಯಿಂದ ಮಧ್ಯಾಹ್ನ 12:00 ಗಂಟೆಯವರೆಗೆ ಒಟ್ಟು 6 ಗಂಟೆಗಳ ಕಾಲ ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ.

​ನೀರು ಸರಬರಾಜಿನಲ್ಲಿ ವ್ಯತ್ಯಯವಾಗುವ ಪ್ರಮುಖ ಪ್ರದೇಶಗಳು:

• ​ದಕ್ಷಿಣ ಬೆಂಗಳೂರು ವಲಯ: ಕದಿರೇನಹಳ್ಳಿ, ಮಿನಾಜ್ ನಗರ, ಗಂಗಾಧರ್ ನಗರ, ಪ್ರಗತಿಪುರ, ಪದ್ಮನಾಭನಗರ, ಆರ್.ಕೆ. ಲೇಔಟ್, ಚಿಕ್ಕಲ್ಲಸಂದ್ರ, ಕುಮಾರಸ್ವಾಮಿ ಲೇಔಟ್ (1 ಮತ್ತು 2ನೇ ಹಂತ), ಇಸ್ರೋ ಲೇಔಟ್, ಟೀಚರ್ಸ್ ಕಾಲೋನಿ, ಯೆಚೇನಹಳ್ಳಿ, ಕನಕಪುರ ಮುಖ್ಯ ರಸ್ತೆ, ಪೂರ್ಣಪ್ರಜ್ಞಾ ಲೇಔಟ್, ಉತ್ತರಾಹಳ್ಳಿ ಹಾಗೂ ಬನಶಂಕರಿ 5ನೇ ಹಂತ.
• ​ಮಧ್ಯ ಹಾಗೂ ಇತರೆ ಪ್ರದೇಶಗಳು: ಚಾಮರಾಜಪೇಟೆ, ಬಸವನಗುಡಿ, ಹನುಮಂತನಗರ, ಗಿರಿನಗರ, ಶ್ರೀನಗರ, ಜಯನಗರ (4ನೇ ಮತ್ತು 4T ಬ್ಲಾಕ್), ತಿಲಕ್ ನಗರ, ಮದ್ವನ ಪಾರ್ಕ್, ಹೊಂಬೇಗೌಡನಗರ, ಲಕ್ಕಸಂದ್ರ, ಆಡುಗೋಡಿ, ಮಡಿವಾಳ, ಕೋರಮಂಗಲ (2, 4, 5, 6, 7 ಮತ್ತು 8ನೇ ಬ್ಲಾಕ್), ಶಾಂತಿನಗರ, ಲಾಂಗ್‌ಫೋರ್ಡ್ ಟೌನ್, ಎಂ.ಜಿ. ರಸ್ತೆ, ರಿಚ್ಮಂಡ್ ಟೌನ್, ನೀಲಸಂದ್ರ, ಆಸ್ಟಿನ್ ಟೌನ್, ವಿವೇಕ್ ನಗರ, ದೊಮ್ಮಲೂರು, ಉಲ್ಸೂರು, ಜೋಗುಪಾಳ್ಯ ಹಾಗೂ ಕೇಂಬ್ರಿಡ್ಜ್ ಲೇಔಟ್.

​ಸಾರ್ವಜನಿಕರಿಗೆ ಮನವಿ:

ಸಂಬಂಧಿತ ಪ್ರದೇಶಗಳ ನಾಗರಿಕರು ಮುಂಜಾಗ್ರತಾ ಕ್ರಮವಾಗಿ ಅಗತ್ಯವಿರುವಷ್ಟು ನೀರನ್ನು ಮುಂಚಿತವಾಗಿ ಸಂಗ್ರಹಿಸಿಟ್ಟುಕೊಳ್ಳುವಂತೆ ಜಲಮಂಡಳಿ ಮನವಿ ಮಾಡಿದೆ. ಮರಾಮತ್ತು ಕಾರ್ಯ ಮುಗಿದ ತಕ್ಷಣ ಎಂದಿನಂತೆ ನೀರು ಸರಬರಾಜು ಮರುಸ್ಥಾಪಿಸಲಾಗುವುದು.