ಬೆಂಗಳೂರು ಇಸಿಸ್ ನೆಟ್‌ವರ್ಕ್ ಇಡಿ ದಾಳಿ; ಬೆಂಗಳೂರಿನಲ್ಲಿ ಇಸಿಸ್ ನೆಟ್‌ವರ್ಕ್ ಜಾಲ: ಹಲವು ಆಯಕಟ್ಟಿನ ಪ್ರದೇಶಗಳಲ್ಲಿ ಇಡಿ ಸರಣಿ ಶೋಧ ದಾಳಿ!

ಬೆಂಗಳೂರು ಇಸಿಸ್ ನೆಟ್‌ವರ್ಕ್ ಇಡಿ ದಾಳಿ ; ರಾಜಧಾನಿ ಬೆಂಗಳೂರಿನಲ್ಲಿ ಇಸಿಸ್ (ISIS) ಉಗ್ರ ಸಂಘಟನೆಯ ನೆಟ್‌ವರ್ಕ್ ಹಾಗೂ ಅದಕ್ಕೆ ಹಣಕಾಸಿನ ನೆರವು (Terror Funding) ಪೂರೈಸುತ್ತಿದ್ದ ಜಾಲದ ಸುಳಿವು ಬೆನ್ನಟ್ಟಿರುವ ಜಾರಿ ನಿರ್ದೇಶನಾಲಯ (ED) ಅಧಿಕಾರಿಗಳು ನಗರದ ಹಲವು ಪ್ರಮುಖ ಸ್ಥಳಗಳಲ್ಲಿ ದಿಢೀರ್ ಸರಣಿ ಶೋಧ ದಾಳಿ (Searches) ನಡೆಸಿದ್ದಾರೆ.

ರಾಷ್ಟ್ರೀಯ ತನಿಖಾ ಸಂಸ್ಥೆ (NIA) ಈಗಾಗಲೇ ದಾಖಲಿಸಿಕೊಂಡಿದ್ದ ಎಫ್‌ಐಆರ್ ಹಾಗೂ ನೀಡಿದ್ದ ಕಾಂಕ್ರೀಟ್ ಸುಳಿವುಗಳ ಆಧಾರದ ಮೇಲೆ ಜಾರಿ ನಿರ್ದೇಶನಾಲಯದ ಹಿರಿಯ ಅಧಿಕಾರಿಗಳ ತಂಡ ಈ ಕಾರ್ಯಾಚರಣೆಗೆ ಇಳಿದಿದೆ.

ಹಲವೆಡೆ ಏಕಕಾಲಕ್ಕೆ ಪರಿಶೀಲನೆ:

ನಗರದ ತಿಲಕ್‌ನಗರ, ಜಯನಗರ, ತಾನಿಫ್ಯಾಕ್ಟರಿ ಹಾಗೂ ಶಿವಾಜಿನಗರ ವ್ಯಾಪ್ತಿಯ ಶಂಕಿತರ ಮನೆಗಳು, ಕಚೇರಿಗಳು ಮತ್ತು ರಿಯಲ್ ಎಸ್ಟೇಟ್/ಹಣಕಾಸು ಸಂಸ್ಥೆಗಳ ಮೇಲೆ ಇಡಿ ಅಧಿಕಾರಿಗಳು ಮುಂಜಾನೆಯಿಂದಲೇ ದಾಳಿ ನಡೆಸಿದ್ದಾರೆ.

ಉಗ್ರ ಚಟುವಟಿಕೆಗಳಿಗೆ ನಿಧಿ ಸಂಗ್ರಹಣೆ ಮಾಡುವುದು, ಡಿಜಿಟಲ್ ಕರೆನ್ಸಿ (Cryptocurrency) ಹಾಗೂ ಹವಾಲಾ ಮಾರ್ಗದ ಮೂಲಕ ಉಗ್ರ ಸಂಘಟನೆಗಳಿಗೆ ಹಣ ರವಾನೆ ಮಾಡುತ್ತಿದ್ದ ಕೃತ್ಯಗಳಲ್ಲಿ ತೊಡಗಿದ್ದ ಶಂಕೆ ವ್ಯಕ್ತವಾಗಿದೆ.

ಡಿಜಿಟಲ್ ದಾಖಲೆಗಳು, ಎಲೆಕ್ಟ್ರಾನಿಕ್ ಡಿವೈಸ್ ಜಪ್ತಿ:

ದಾಳಿಯ ವೇಳೆ ಇಡಿ ಅಧಿಕಾರಿಗಳು ಹಲವು ಶಂಕಿತರ ಬ್ಯಾಂಕ್ ಖಾತೆಗಳ ದಾಖಲೆಗಳು, ಆಸ್ತಿ-ಪಾಸ್ತಿ ಪತ್ರಗಳು, ಮೊಬೈಲ್ ಫೋನ್‌ಗಳು, ಲ್ಯಾಪ್‌ಟಾಪ್‌ಗಳು ಹಾಗೂ ಹಾರ್ಡ್‌ಡಿಸ್ಕ್‌ಗಳನ್ನು ವಶಪಡಿಸಿಕೊಂಡಿದ್ದಾರೆ.

ಯುವಕರನ್ನು ಬ್ರೈನ್ ವಾಶ್ ಮಾಡಿ ಉಗ್ರ ಸಂಘಟನೆಯತ್ತ ಆಕರ್ಷಿಸಲು ಮತ್ತು ವಿದೇಶಿ ಖಾತೆಗಳಿಂದ ಹಣ ತರಿಸಿಕೊಳ್ಳಲು ಬಳಸುತ್ತಿದ್ದ ಬ್ಯಾಂಕ್ ವಹಿವಾಟಿನ ನೆಟ್‌ವರ್ಕ್ ಅನ್ನು ಭೇದಿಸಲು ಇಡಿ ಶೋಧ ಮುಂದುವರಿಸಿದೆ.

ದಾಳಿಯ ಹಿನ್ನೆಲೆಯಲ್ಲಿ ಶೋಧ ನಡೆಸಿದ ಸ್ಥಳಗಳ ಸುತ್ತಮುತ್ತ ಬಿಗಿ ಪೊಲೀಸ್ ಬಂದೋಬಸ್ತ್ ಕಲ್ಪಿಸಲಾಗಿದ್ದು, ಕೆಲವರನ್ನು ವಶಕ್ಕೆ ಪಡೆದು ತೀವ್ರ ವಿಚಾರಣೆ ನಡೆಸಲಾಗುತ್ತಿದೆ.