ಕರ್ನಾಟಕದಲ್ಲಿ ಆನ್ಲೈನ್ನಲ್ಲೇ ಮದುವೆ ಪ್ರಮಾಣಪತ್ರ (Marriage Certificate) ಪಡೆಯುವುದು ಹೇಗೆ? ಹಂತ-ಹಂತದ ಮಾಹಿತಿ ಇಲ್ಲಿದೆ!
ಆನ್ಲೈನ್ ಮದುವೆ ನೋಂದಣಿ ಕರ್ನಾಟಕ 2026; ರಾಜ್ಯದಲ್ಲಿ ನವದಂಪತಿಗಳು ಅಥವಾ ಈಗಾಗಲೇ ಮದುವೆಯಾದವರು ತಮ್ಮ ಮದುವೆ ಪ್ರಮಾಣಪತ್ರ (Marriage Certificate) ಪಡೆಯಲು ಸಬ್-ರಿಜಿಸ್ಟ್ರಾರ್ (ಉಪನೋಂದಣಾಧಿಕಾರಿ) ಕಚೇರಿಗಳಿಗೆ ಸಾಲು ಸಾಲು ಅಲೆಯುವ ಅಗತ್ಯವಿಲ್ಲ. ಕರ್ನಾಟಕ ಸರ್ಕಾರದ ನೋಂದಣಿ ಮತ್ತು ಮುದ್ರೆಗಳ ಇಲಾಖೆಯು ‘ಕಾವೇರಿ ೨.೦’ (Kaveri 2.0) ಪೋರ್ಟಲ್ ಮೂಲಕ ಸಂಪೂರ್ಣ ಆನ್ಲೈನ್ ಮದುವೆ ನೋಂದಣಿ ವ್ಯವಸ್ಥೆಯನ್ನು ಜಾರಿಗೆ ತಂದಿದೆ.
ಆನ್ಲೈನ್ನಲ್ಲೇ ದಾಖಲೆಗಳನ್ನು ಅಪ್ಲೋಡ್ ಮಾಡಿ, ಸಮಯವನ್ನು (Slot Booking) ಕಾಯ್ದಿರಿಸಿ ಸುಲಭವಾಗಿ ಮದುವೆ ಪ್ರಮಾಣಪತ್ರ ಪಡೆದುಕೊಳ್ಳಬಹುದು.
ಅಗತ್ಯವಿರುವ ಕಡ್ಡಾಯ ದಾಖಲೆಗಳು (Upload ಮಾಡಲು):
- ದಂಪತಿಗಳ ಪೋಟೋ: ಗಂಡ ಮತ್ತು ಹೆಂಡತಿಯ ಪ್ರತ್ಯೇಕ ಪಾಸ್ಪೋರ್ಟ್ ಅಳತೆಯ ಫೋಟೋ ಹಾಗೂ ಮದುವೆಯ ಜಂಟಿ (Joint Photo) ಫೋಟೋ.
- ಮದುವೆ ಆಹ್ವಾನ ಪತ್ರಿಕೆ: ಮದುವೆಯ ಲಗ್ನಪತ್ರಿಕೆ (Wedding Invitation Card).
- ವಯಸ್ಸಿನ ಪುರಾವೆ (Age Proof): ಗಂಡ (೨೧ ವರ್ಷ) ಮತ್ತು ಹೆಂಡತಿ (೧೮ ವರ್ಷ) ಪೂರೈಸಿರಬೇಕು (ಎಸ್ಎಸ್ಎಲ್ಸಿ ಅಂಕಪಟ್ಟಿ, ಆಧಾರ್ ಕಾರ್ಡ್, ಪಾಸ್ಪೋರ್ಟ್ ಅಥವಾ ಜನನ ಪ್ರಮಾಣಪತ್ರ).
- ವಿಳಾಸದ ಪುರಾವೆ (Address Proof): ಆಧಾರ್ ಕಾರ್ಡ್, ಮತದಾರರ ಗುರುತಿನ ಚೀಟಿ, ರೇಷನ್ ಕಾರ್ಡ್ ಅಥವಾ ಪಾಸ್ಪೋರ್ಟ್.
- ಸಾಕ್ಷಿದಾರರ ವಿವರ (Witnesses): ಮದುವೆಗೆ ಸಾಕ್ಷಿಯಾಗಿರುವ ಮೂವರು (3) ವ್ಯಕ್ತಿಗಳ ಆಧಾರ್ ಕಾರ್ಡ್ ಮತ್ತು ಫೋಟೋ.
ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸುವ ಹಂತ-ಹಂತದ ವಿಧಾನ:
- ಅಧಿಕೃತ ಪೋರ್ಟಲ್ಗೆ ಭೇಟಿ ನೀಡಿ: ಕರ್ನಾಟಕ ಸರ್ಕಾರದ kaveri.karnataka.gov.in ಜಾಲತಾಣಕ್ಕೆ ಹೋಗಿ.
- ಖಾತೆ ತೆರೆಯಿರಿ / ಲಾಗಿನ್ ಆಗಿ: ನೀವು ಹೊಸ ಬಳಕೆದಾರರಾಗಿದ್ದರೆ ‘Register’ ಆಯ್ಕೆ ಮಾಡಿ ಅಕೌಂಟ್ ತೆರೆಯಿರಿ. ನಂತರ ನಿಮ್ಮ ಮೊಬೈಲ್ ಸಂಖ್ಯೆ/ಇಮೇಲ್ ಬಳಸಿ ಲಾಗಿನ್ ಆಗಿ.
- ಮದುವೆ ನೋಂದಣಿ ಆಯ್ಕೆ ಮಾಡಿ: ಡ್ಯಾಶ್ಬೋರ್ಡ್ನಲ್ಲಿರುವ ‘Marriage Registration’ (ಮದುವೆ ನೋಂದಣಿ) ಸೇವೆಗಳ ಮೇಲೆ ಕ್ಲಿಕ್ ಮಾಡಿ. (ಹೂಂದೂ ವಿವಾಹ ಕಾಯ್ದೆ – Hindu Marriage Act ಅಥವಾ ವಿಶೇಷ ವಿವಾಹ ಕಾಯ್ದೆ – Special Marriage Act ಅಡಿಯಲ್ಲಿ ಸೂಕ್ತವಾದದ್ದನ್ನು ಆರಿಸಿ).
- ಮಾಹಿತಿ ಭರ್ತಿ ಮಾಡಿ:
- ಗಂಡ ಮತ್ತು ಹೆಂಡತಿಯ ವೈಯಕ್ತಿಕ ವಿವರಗಳು, ವಿಳಾಸ ಮತ್ತು ವಯಸ್ಸಿನ ಮಾಹಿತಿ ನಮೂದಿಸಿ.
- ಮದುವೆ ನಡೆದ ದಿನಾಂಕ, ಸಮಯ ಮತ್ತು ಕಲ್ಯಾಣ ಮಂಟಪ/ಸ್ಥಳದ ವಿಳಾಸ ಭರ್ತಿ ಮಾಡಿ.
- ಮೂವರು ಸಾಕ್ಷಿದಾರರ (Witnesses) ವಿವರಗಳನ್ನು ನಮೂದಿಸಿ.
- ದಾಖಲೆಗಳನ್ನು ಅಪ್ಲೋಡ್ ಮಾಡಿ: ಕೇಳಲಾದ ಜಾಗದಲ್ಲಿ ದಂಪತಿಗಳ ಫೋಟೋ, ಆಧಾರ್, ವಯಸ್ಸಿನ ಪುರಾವೆ ಹಾಗೂ ಲಗ್ನಪತ್ರಿಕೆಯ ಸಾಫ್ಟ್ ಕಾಪಿಯನ್ನು ಅಪ್ಲೋಡ್ ಮಾಡಿ.
- ಸ್ಲಾಟ್ ಬುಕ್ ಮಾಡಿ & ಶುಲ್ಕ ಪಾವತಿಸಿ (Slot Booking & Payment): ನಿಮಗೆ ಹತ್ತಿರದ ಅಥವಾ ಅನುಕೂಲಕರವಾದ ಸಬ್-ರಿಜಿಸ್ಟ್ರಾರ್ (Sub-Registrar) ಕಚೇರಿಯನ್ನು ಆಯ್ಕೆ ಮಾಡಿ, ನಿಮಗೆ ಅನುಕೂಲವಿರುವ ದಿನಾಂಕ ಮತ್ತು ಸಮಯದ ‘ಸ್ಲಾಟ್’ ಆಯ್ಕೆ ಮಾಡಿಕೊಳ್ಳಿ. ಆನ್ಲೈನ್ನಲ್ಲೇ ನಿಯಮಿತ ನೋಂದಣಿ ಶುಲ್ಕವನ್ನು ಪಾವತಿಸಿ.
- ಸಬ್-ರಿಜಿಸ್ಟ್ರಾರ್ ಕಚೇರಿಗೆ ಭೇಟಿ ನೀಡಿ: ನಿಗದಿಪಡಿಸಿದ ದಿನಾಂಕ ಮತ್ತು ಸಮಯಕ್ಕೆ ದಂಪತಿಗಳು ಹಾಗೂ ಮೂವರು ಸಾಕ್ಷಿಗಳು ಒಟ್ಟಾಗಿ ಸಬ್-ರಿಜಿಸ್ಟ್ರಾರ್ ಕಚೇರಿಗೆ ತೆರಳಿ, ಮೂಲ ದಾಖಲೆಗಳನ್ನು (Original Documents) ತೋರಿಸಿ, ಬಯೋಮೆಟ್ರಿಕ್/ಸಹಿ ನೀಡಬೇಕು.
ಅಧಿಕಾರಿಗಳು ಪರಿಶೀಲಿಸಿದ ನಂತರ, ಮದುವೆ ಪ್ರಮಾಣಪತ್ರವನ್ನು ತಕ್ಷಣವೇ ನೀಡಲಾಗುತ್ತದೆ ಹಾಗೂ ಕಾವೇರಿ ಪೋರ್ಟಲ್ನಲ್ಲಿ ಡಿಜಿಟಲ್ ಕಾಪಿಯನ್ನು ಡೌನ್ಲೋಡ್ ಮಾಡಿಕೊಳ್ಳಬಹುದು.