ಯುವನಿಧಿ ಆನ್ಲೈನ್ ಡಿಕ್ಲೇರೇಶನ್; ಯುವನಿಧಿ ಯೋಜನೆ ಬಿಗ್ ಅಪ್ಡೇಟ್: ಪ್ರತಿ ತಿಂಗಳು ಆನ್ಲೈನ್ ಡಿಕ್ಲೇರೇಶನ್ ಕಡ್ಡಾಯ! ಹೀಗೆ ಸಲ್ಲಿಕೆ ಮಾಡಿ!
ಯುವನಿಧಿ ಆನ್ಲೈನ್ ಡಿಕ್ಲೇರೇಶನ್; ರಾಜ್ಯ ಸರ್ಕಾರದ ಪ್ರಮುಖ ಐದು ಗ್ಯಾರಂಟಿ ಯೋಜನೆಗಳಲ್ಲಿ ಒಂದಾದ ‘ಯುವನಿಧಿ’ (Yuvanidhi Scheme) ಯೋಜನೆಯಡಿ ಮಾಸಿಕ ನಿರುದ್ಯೋಗ ಭತ್ಯೆ ಪಡೆಯುತ್ತಿರುವ ಪದವೀಧರ ಹಾಗೂ ಡಿಪ್ಲೊಮಾ ಅಭ್ಯರ್ಥಿಗಳಿಗೆ ಕೌಶಲ್ಯಾಭಿವೃದ್ಧಿ ಮತ್ತು ಉದ್ಯಮಶೀಲತೆ ಇಲಾಖೆಯು ಪ್ರಮುಖ ಹೆಜ್ಜೆಯೊಂದನ್ನು ಕಡ್ಡಾಯಗೊಳಿಸಿದೆ.
ಯುವನಿಧಿ ಯೋಜನೆಯಡಿ ಹಣ ಪಡೆಯುತ್ತಿರುವ ಫಲಾನುಭವಿಗಳು ಪ್ರತಿ ತಿಂಗಳು ತಮ್ಮ ಉದ್ಯೋಗ ಸ್ಥಿತಿಗತಿಯ ಸ್ವಯಂ ದೃಢೀಕರಣ (Self-Declaration) ಅನ್ನು ಆನ್ಲೈನ್ ಮೂಲಕ ಸಲ್ಲಿಸುವುದು ಕಡ್ಡಾಯವಾಗಿದೆ. ಒಂದು ವೇಳೆ ನಿಗದಿತ ದಿನಾಂಕದೊಳಗೆ ಡಿಕ್ಲೇರೇಶನ್ ಸಲ್ಲಿಸದಿದ್ದರೆ ಮಾಸಿಕ ಭತ್ಯೆಯ ಹಣ ಖಾತೆಗೆ ಜಮಾ ಆಗುವುದಿಲ್ಲ!
ಪ್ರತಿ ತಿಂಗಳು ಡಿಕ್ಲೇರೇಶನ್ ಏಕೆ ಕಡ್ಡಾಯ?
- ಉದ್ಯೋಗ ಮಾಹಿತಿ: ಫಲಾನುಭವಿಗೆ ಯಾವುದೇ ಸರ್ಕಾರಿ, ಖಾಸಗಿ ಉದ್ಯೋಗ ಸಿಕ್ಕಿದೆಯೇ ಅಥವಾ ಸ್ವಯಂ ಉದ್ಯೋಗ ಪ್ರಾರಂಭಿಸಿದ್ದಾರೆಯೇ ಎನ್ನುವುದನ್ನು ಖಚಿತಪಡಿಸಿಕೊಳ್ಳಲು.
- ಅರ್ಹತೆ ಪರಿಶೀಲನೆ: ಉನ್ನತ ಶಿಕ್ಷಣಕ್ಕೆ ಸೇರ್ಪಡೆಯಾಗಿದ್ದಲ್ಲಿ ಯೋಜನೆಯ ಸೌಲಭ್ಯ ಮುಕ್ತಾಯಗೊಳ್ಳುವುದರಿಂದ ಸರಿಯಾದ ಫಲಾನುಭವಿಗಳಿಗೆ ಮಾತ್ರ ತಲುಪಿಸಲು.
- ಪಾರದರ್ಶಕತೆ: ಯೋಜನೆ ದುರುಪಯೋಗವಾಗುವುದನ್ನು ತಡೆಯಲು ಮತ್ತು ನಿರುದ್ಯೋಗಿ ಯುವಜನರಿಗೆ ನಿರಂತರ ನೆರವು ನೀಡಲು.
ಆನ್ಲೈನ್ನಲ್ಲಿ ಸ್ವಯಂ ದೃಢೀಕರಣ (Self-Declaration) ಸಲ್ಲಿಸುವುದು ಹೇಗೆ?
- ಹಂತ 1: ಮೊದಲಿಗೆ ಕರ್ನಾಟಕ ಸರ್ಕಾರದ ಅಧಿಕೃತ ಸೇವಾ ಸಿಂಧು ಪೋರ್ಟಲ್ ಗೆ ಭೇಟಿ ನೀಡಿ.
- ಹಂತ 2: ನಿಮ್ಮ ಯೂಸರ್ ಐಡಿ (User ID) ಮತ್ತು ಪಾಸ್ವರ್ಡ್ ಬಳಸಿ ಲಾಗಿನ್ ಆಗಿ.
- ಹಂತ 3: ಯುವನಿಧಿ ಯೋಜನೆಯ ‘Self-Declaration / ಮಾಸಿಕ ಸ್ವಯಂ ದೃಢೀಕರಣ’ ಲಿಂಕ್ ಮೇಲೆ ಕ್ಲಿಕ್ ಮಾಡಿ.
- ಹಂತ 4: “ನನಗೆ ಪ್ರಸ್ತುತ ಯಾವುದೇ ಉದ್ಯೋಗ ಸಿಕ್ಕಿರುವುದಿಲ್ಲ ಮತ್ತು ನಾನು ಉನ್ನತ ಶಿಕ್ಷಣಕ್ಕೆ ಸೇರಿರುವುದಿಲ್ಲ” ಎಂಬ ಆಪ್ಷನ್ ಆಯ್ಕೆ ಮಾಡಿ.
- ಹಂತ 5: ಎಲ್ಲಾ ವಿವರ ಸರಿಯಾಗಿದೆಯೇ ಎಂದು ಪರಿಶೀಲಿಸಿ ‘Submit’ ಕೊಡಿ.
ಪ್ರಮುಖ ದಿನಾಂಕ ಮತ್ತು ಮೊತ್ತದ ವಿವರ:
- ಪದವೀಧರರಿಗೆ (Graduates): ಪ್ರತಿ ತಿಂಗಳು ₹3,000
- ಡಿಪ್ಲೊಮಾ ಹೊಂದಿದವರಿಗೆ (Diploma Holders): ಪ್ರತಿ ತಿಂಗಳು ₹1,500
- ಕಡ್ಡಾಯ ದಿನಾಂಕ: ಪ್ರತಿ ತಿಂಗಳ 25 ನೇ ತಾರೀಖಿನ ಒಳಗಾಗಿ ಆನ್ಲೈನ್ ಡಿಕ್ಲೇರೇಶನ್ ಪೂರ್ಣಗೊಳಿಸಬೇಕು.
ನೆನಪಿಡಿ: ಉದ್ಯೋಗ ಸಿಕ್ಕಿಯೂ ಸುಳ್ಳು ಮಾಹಿತಿ ನೀಡಿ ಹಣ ಪಡೆದರೆ ಸರ್ಕಾರವು ಕಾನೂನು ಕ್ರಮ ಜರುಗಿಸಿ ನೀಡಿದ ಹಣವನ್ನು ಮರು ವಸೂಲಿ ಮಾಡಲಿದೆ. ಆದ್ದರಿಂದ ನಿರುದ್ಯೋಗಿ ಯುವಜನರು ಸಮಯಕ್ಕೆ ಸರಿಯಾಗಿ ಡಿಕ್ಲೇರೇಶನ್ ನೀಡಿ ಸೌಲಭ್ಯ ಪಡೆದುಕೊಳ್ಳಿ.