ಸಖೀಗೀತ ಕನ್ನಡ ಮಾಸ ಪತ್ರಿಕೆಯು ಕಳೆದ 6 ವರ್ಷಗಳಿಂದ ಕರ್ನಾಟಕದಾದ್ಯಂತ ಮುದ್ರಣ ಹಾಗೂ ಆನ್ಲೈನ್ (www.sakhigeetha.com) ಸ್ವರೂಪದಲ್ಲಿ ಪ್ರಸಾರಗೊಳ್ಳುತ್ತಿದೆ, ಆರು ವರ್ಷಗಳು ತುಂಬಿದ ಈ ಸುಸಂದರ್ಭದಲ್ಲಿ ಸಖೀಗೀತ ತಂಡ ವಾರ್ಷಿಕ ಸಂಚಿಕೆಯೊಂದನ್ನು ಹೊರ ತರಲು ಉತ್ಸುಕರಾಗಿದ್ದು, ಈ ಸಂಚಿಕೆಯು ದಕ್ಷಿಣ ಭಾರತದಾದ್ಯಂತ ಮುದ್ರಣ ರೂಪದಲ್ಲಿ ದೊರೆಯಬೇಕೆಂಬ ಆಶಯ ಹೊಂದಿದೆ. ಇಡೀ ದಕ್ಷಿಣ ಭಾರತದ ರಾಜ್ಯಗಳ ಕುರಿತಾಗಿ ಈ ಸಂಚಿಕೆ ಮೂಡಿ ಬರುತ್ತಿರುವುದರಿಂದ ಈ ಭಾರಿ ಪತ್ರಿಕೆಯು ದಕ್ಷಿಣ ರಾಜ್ಯಗಳ ಭಾಷೆಗಳಾದ ಕನ್ನಡ, ತೆಲುಗು, ತಮಿಳು, ಮಲೆಯಾಳಂ, ಹಾಗೂ ವಿಶ್ವಭಾಷೆಯಾದ ಇಂಗ್ಲೀಷ್ ಭಾಷೆಗಳಲ್ಲಿ ಮೂಡಿ ಬರಲಿದೆ. ಈ ಐದೂ ಭಾಷೆಗಳಿಗೆ ಆಯಾ ಭಾಷೆಗಳ ಪತ್ರಿಕೋದ್ಯಮ ಹಾಗೂ ವಿವಿಧ ದೃಶ್ಯ ಮಾಧ್ಯಮಗಳಲ್ಲಿ ಕಾರ್ಯ ನಿರ್ವಹಿಸಿರುವ ಹಿರಿಯ ಅನುಭವಿಗಳು ಸಂಪಾದಕರಾಗಿರುತ್ತಾರೆ.